Khumbelo ya u swikela mafhungo
NgahaZwine vha tea u itaTshifhingambekanywaZwi ita vhugaiFomo dzi no tea u ḓadzwaVha kwama inyi
Nga ha u ita khumbelo ya u swikela mafhungo
Tshipikwa tsha Mulayo wa Nyaluso ya Tswikelelo ya Mafhungo ndi u itela u vhona uri vhathu vha khou swikela pfanelo yavho ya ndayotewa ya u swikela mafhungo o farwaho nga:
Shango
muṅwe muthu ane a tea u a fara kana a na thendelo ya u a tsireledza.
Ṱhuṱhuwedzo ya pfanelo ya u swikela mafhungo ndi u alusa mvelele ya u vha khagala na u vha na vhuḓifhinduleli kha zwiimiswa zwa nnyi na nnyi kana zwa phuraivethe, na u alusa lushaka lune vhathu vha Afrika Tshipembe vha a kona u swikela vhuṱanzi nga nḓila i shumaho u itela uri vha ḓo kona u shumisa na u tsireledza pfanelo dzavho zwo fhelela.
Ndi mafhungo afhio a farwaho nga mihasho ya muvhuso kana tshiimiswa tsha nnyi na nnyi hune u swikela mafhungo hu nga wanala?
Vha nga ita khumbelo ya maṅwalo oṱhe na rekhodo dzi farwaho nga muhasho wa muvhuso, vhaofisiri vhawo kana tshiimiswa tsha nnyi na nnyi. A zwi na ndavha uri mafhungo o wanala lini. Hezwi zwi katela:
rekhodo dza muthu dzi re kha muhasho wa muvhuso kana tshiimiswa tsha nnyi na nnyi
vhuṱanzi kana rekhodo dzi kwamaho muthu wa vhuraru: fhedzi arali ho wanala thendelo u bva kha uyo muthu, nga maanḓa maṅwalo a re na vhuṱanzi ha tshidzumbe kana ha phuraivethe.
vhuṱanzi vhune tswikelelo a yo ngo iledzwa nga Mulayo wa Nyaluso ya Tswikelelo ya Mafhungo
rekhodo dza Khabinethe na khomiti dzayo
rekhodo dza zwa mushumo wa zwa mulayo wa khothe
vhuṱanzi
ho wanalaho nga khothe ya tshipentshela ye ya thomiwa hu tshi tevhelwa mulayo
ho farwaho nga muofisiri wa zwa mulayo wa khothe yeneyo kana ya tshipentshela
vhu re na muṅwe muraḓo wa phalamennde kana wa vhusimamulayo ha vunḓu .
Mulayo wa Nyaluso ya Tswikelelo ya Mafhungo a u tei u shumiswa:
arali rekhodo dzi tshi humbelelwa u shumiswa kha zwa u sengisa mulandu wa vhugevhenga kana mulandu zwawo.
zwa u sengisa mulandu wa vhugevhenga kana mulandu zwawo zwo no thoma.
Fhedziha, Mulayo wa Nyaluso ya Tswikelelo ya Mafhungo u nṱha ha mulayo kana u ufhio une wa nga vha dzivhisa kana u vha iledza uri vha swikele vhuṅwe vhuṱanzi
Zwine vha tea u ita
Kha vha vhudzise mufarisa muofisiri wa mafhungo wa muhasho u kwameaho wa muvhuso u vha thusa u wana vhuṱanzi kana maṅwalo ane vha khou a ṱoḓa.
Kha vha ḓadze vha rumele Fomo A: Regulation 6: Khumbelo ya u swikela rekhodo ya tshiimiswa tsha nnyi na nnyi. Vha nga i wana ofisini ya muhasho u kwameaho kana u i daunuḽouda hafha fhasi.
Arali vhuṱanzi vhune vha khou vhu ṱoḓa vhu sa wanali nga fhedzi, vha ḓo tea u ita mbadelo dzi ṱoḓeaho(nga tshivhumbeo tsha zwiṱembe zwa Mbuelo). Vha nga kha ḓi ṱoḓiwa uri vha ite na mbadelo ya u swikelela kana u setsha(kha vha vhone shedulu ya mbadelo afho fhasi)
Musi vha tshi khou ita khumbelo ya mafhungo u bva kha tshiimiswa tsha nnyi na nnyi, a vha kombetshedzwi u amba uri ndi mini vha tshi khou ṱoḓa u shumisa kana u tsireledza pfanelo yavho.
Tshifhingambekanywa
Mufarisa muofisiri wa mafhungo wa muhasho u tea u fhindula hu songo fhela maḓuvha a 30 o ṱanganedza khumbelo yavho.
Arali muofisiri wa mafhungo kana mufarisa muofisiri wa mafhungo a vha hanela u wana vhuṱanzi he vha vhu humbela, vha nga ita khumbelo ya uri khumbelo yavho i dovhe i sedziwe kha minista vho teaho vha muhasho kana tshiimiswa tsha nnyi na nnyi tshi kwameaho.
Arali vha sa athu fushea nga mvelele, vha nga isa fhungo heḽi khothe.
Muofisiri wa mafhungo kana mufarisa muofisiri wa mafhungo u ḓo vha thusa u tshimbidza heḽi fhungo.
Arali vhuṱanzi vhune vha khou vhu ṱoḓa a vhuho kha muhasho u kwameaho ngeno vhu kha tshiṅwe tshiimiswa tsha nnyi na nnyi, mufarisa muofisiri wa mafhungo u ḓo fhirisela khumbelo yavho kha muofisiri wa mafhungo wa tshiimiswa tshi kwameaho tsha nnyi na nnyi hu songo fhela maḓuvha a 14.
Tshiimiswa tshi kwameaho tsha nnyi na nnyi tshi tea u fhindula khumbelo iyo hu songo fhela maḓuvha a 30 sa zwe zwa ambiswa zwone. Vha ḓo ḓivhadzwa nga u fhiriselwa ha khumbelo yavho kha tshiimiswa tshi kwameaho tsha nnyi na nnyi.
Zwi ita vhugai
Promotion of Access to Information Act 2 of 2000 brochure
Fomo dzi no tea u ḓadzwa
Form A: Regulation 6: Request for access to record of public body (IFom A: Umgqaliselo 6: Isicelo selungelo nethuba lokufikelela kwiingxelo zeziko loluntu)
Form B: Regulation 8: Notice of internal appeal (IFom B: UMgqaliselo 8: Isaziso sesibheno sangaphakathi)
Form C: Regulation 10: Request for access to record of private body (IFom C: UMgqaliselo 10: Isicelo selungelo nethuba lokufikelela kwiingxelo zeziko labucala)
Vha kwama inyi
Arali vha vha tshi ṱoḓa thuso kana vha na dziṅwe mbudziso dza uri vha swikela hani mafhungo a wanalaho kha muṅwe muhasho kana tshiṅwe tshiimiswa tsha nnyi na nnyi, vha humbelwa u kwama mufarisa muofisiri wa mafhungo kana muofisiri wa mafhungo kha muhasho kana tshiimiswa tsha nnyi na nnyi tshi kwameaho